Bulliqi e emëron Pack "Qytetare Nderi" të Komunës së Podujevës

Kryetari i Podujevës, Shpejtim Bulliqi, në 25 vjetorit e çlirimit të Podujevës, ka shpërndarë disa momente nga seanca solemne e kuvendit.

“Në këtë përvjetor të çlirimit patëm nderin e veçantë ta mirëpresim në Podujevë, miken e madhe të Kosovës, ish-deputeten e Parlamentit Evropian, znj. Doris Pack, të cilës i ndamë dekoratën “Qytetare Nderi” e Komunës së Podujevës. Këtë çmim ia ndamë për atë se çfarë ka bërë znj. Pack si zë i fuqishëm që ka avokuar në Parlamentin Evropian për lirinë dhe pavarësinë e Kosovës”, shkruan Bulliqi

Në seancë gjithashtu u ndanë mirënjohje ndaj Ertan Xhihiqit, i cili ka kontribua shumë pas luftës për sportin në Podujevë.