Bugaqku i KDI-së: Kushtetuesja ka deri në 60 ditë për kërkesën e PDK-së

Vullnet Bugaqku nga KDI ka thënë se Gjykata Kushtetuese ka deri në 60 ditë për të vendosur mbi kërkesën e PDK-së.

PDK ka kërkuar masë të përkohshme ndaj Kuvendit, derisa gjykata shqyrton kushtetutshmërinë e konstituimit.

Bugaqku tha se masa varet nga rrethanat, faktet dhe pasojat e mundshme.

“Gjykata Kushtetuese ka afat deri në 60 ditë për të marrë vendim”, tha ai.

Sipas tij, duhet të sqarohet nëse tejkalimi i afatit kushtetues 30-ditor prek legjitimitetin e mandateve dhe ligjshmërinë e legjislaturës.

Ai shtoi se edhe zgjedhja e nënkryetarit mund të kërkojë interpretim kushtetues.