Bugajski e pyet Lajçakun: Kur do t’i takosh shqiptarët në Serbi?
Njohësi i çështjeve të Ballkanit Perëndimor, Janusz Bugajski ka reaguar pas takimit që emisari evropian, Mirsolav Lajçak pati me kryetarët e katër komunave serbe në veri të Kosovës.
Bugajski përmes një replike në Twitter, e ka pyetur Lajçakun se kur do t’i takojë përfaqësuesit shqiptarë në Serbi.
“Kur do të takoheni me përfaqësuesit e komunitetit shqiptarë në Serbi për të dëgjuar ankesat e tyre? A dëgjon BE-ja vetëm kur ka kërcënim të drejtpërdrejt të dhunës?”, ka pyetur ai.
So when will you meet with members of the Albanian community in Serbia to listen to their grievances? Does the EU only listen when outright violence is threatened?
— Janusz Bugajski (@JBugajskiUSA) August 25, 2022
Ndryshe, Lajçak sot pak para se të largohet nga Kosova drejt Serbisë, takoi përfaqësuesit e komunitetit serb, për të diskutuar me ata rreth zhvillimeve të fundit dhe tensioneve në veri të vendit.
Ndërkohë, Escobar dhe Lajçak po qëndrojnë në Serbi ku e kanë takuar presidentin Vuçiq, diskutimet me të cilin i kanë konsideruar “të vështira” dhe “të gjata”.
