Britania pretendon se Rusia humbi tetë aeroplanë nga sulmi në Krime

Sipas inteligjencës së Ministrisë së Mbrojtjes të Britanisë së Madhe, të paktën pesë aeroplanë luftarakë “Su-24” dhe tre aeroplanë të tipit “Su-30” pothuajse me siguri janë shkatërruar ose dëmtuar seriozisht nga shpërthimet që ndodhën në një bazë ajrore ushtarake të forcave ruse në Krime, të cilat dyshohet se u kryen nga forcat ukrainase.

Humbja e tetë aeroplanëve luftarakë përbën pjesë të vogël të flotës së përgjithshme të aeroplanëve që Rusia i ka në dispozicion për luftë. Sidoqoftë, baza ajrore “Saky” përdorej kryesisht për aeroplanët e flotës së Detit të Zi.

Kapaciteti i kësaj flote tashmë është ulur në masë të konsiderueshme dhe, me gjasë, do ta shtyjë ushtrinë ruse që ta rishikojë perceptimin e rrezikut, sipas zyrtarëve britanikë.