Brezovicë: Vdes një grua si pasojë e rrëshqitjes së një orteku të borës
Në qendrën e skijimit në Brezovicë dyshohet se një grua ka humbur jetën.
Policia ka konfirmuar për KOHËN se vdekja e saj ishte pasojë e rrëshqitjes së një orteku të borës,
“Më datë 13.02.2024, rreth orës 15:35, kemi marrë një informacion se një person dyshohet se ka mbetur i vdekur gjatë skijimit në Qendrën e Skijimit në Brezovicë, në vendin e quajtur ‘Foleja e Shqiponjës’. Dyshohet se shkak i këtij incidenti ka qenë rrëshqitja e një orteku të borës”, ka thënë zëdhënësi i Policisë për rajonin e Ferizajt, Kanun Veseli.
