Berisha dhe Meta pajtohen për bashkëpunim opozitar

Lideri i PD-së, Sali Berisha dhe ai i Partisë së Lirisë, Ilir Meta, janë dakorduar për bashkëpunimin opozitar.

I pari i PD-së, pas takimit me Metën ka treguar se bashkëpunim përfshinë edhe zgjedhjet vendore.

Postimi i plotë i Berishës:

Takim me kryetarin e Partisë së Lirisë, Ish - Presidentin, Ilir Meta.

Sot, në Selinë e Partisë Demokratike zhvillova një takim me Kryetarin e Partisë së Lirisë zotin Ilir Meta.

Në këtë takim morën pjesë Sekretari i Përgjithshëm i Partisë Demokratike zoti Flamur Noka dhe deputeri i Partisë së Lirisë, Petrit Vasili.

Në takim u diskutua dhe u ra plotësisht dakord për bashkëpunimin, bashkërendimin dhe Aleancën e Partisë Demokratike me Partinë e Lirisë nëse zgjedhjet vendore, inisiativat parlamentare, në protestat popullore kundër regjimit absolut të Edi Ramës.

Takimi u karakterizua nga fryma e mirëkuptimit të plotë. sb