Bekim Shyti nga protesta në Prishtinë: Liria erdhi nga këta trima dhe burrështetas
Veterani i Ushtrisë Çlirimtare të Kosovës, Bekim Shyti, ka marrë pjesë sonte në protestën në sheshin “Skënderbeu” në Prishtinë, kundër vendimit ndaj ish-krerëve të UÇK-së në Hagë.
Në fjalën e tij para protestuesve, Shyti ka folur për sakrificën e dëshmorëve dhe kontributin e ish-krerëve të UÇK-së në rrugën drejt lirisë së Kosovës.
“Sot kemi gjithandej varreza të dëshmorëve, e kemi lirinë, por liria erdhi nga këta vizionarë, nga këta trima dhe burrështetas, sepse këta kishin guximin dhe vizionin që të formojnë Ushtrinë Çlirimtare të Kosovës”, ka deklaruar Shyti.
