Batuta e Ramës në Poloni që i bëri të gjithë në sallë të qeshin dhe ta duartrokasin

Kryeministri i Shqipërisë është duke marrë pjesë në Konferencën Evropiane të Rindërtimit të Ukrainës, e cila po mbahet në Poloni, ku po marrin pjesë kryetarë të shteteve dhe qeverive, institucioneve financiare ndërkombëtare, përfaqësuesve të biznesit dhe organizatave të shoqërisë civile nga mbarë bota.

Rama u ftua për të marrë fjalën, ndërsa nuk ka munguar humori dhe ironia e mprehtë as në këtë konferencë, çka ka bërë që të gjithë të pranishmit në sallë të qeshin dhe duartrokasin.

“Jam i sigurt që kontributi më i mirë që prisni nga unë është një fjalë e shkurtër, dhe këtë do ta bëj”, tha Rama.

Kështu e nisi fjalën e tij Rama, çka i bëri të gjithë të pranishmit në sallë të qeshin.

Tutje Rama foli për rindërtimin e Ukrainës, për çka edhe është thirrur kjo konferencë, e cila po mbahet në Gdańsk të Polonisë.

Fjala e plotë e Ramës në Poloni:

Jam i sigurt se kontributi më i mirë që prisni nga unë është një fjalë e shkurtër, këtë do të bëj. Besoj se koncepti i këtij takimi është shumë i thjeshtë: nëse rindërtimi pret derisa të bjerë plumbi i fundit, atëherë do të jetë tashmë tepër vonë. Dhe pikërisht për këtë arsye jemi sot këtu. Ndërkohë, Ukraina po rindërtohet, ndërsa njëkohësisht mbron veten. Ky është kuptimi i madh i kësaj konference. Shqipëria është këtu me një bindje shumë të thjeshtë: Ukraina duhet ta sigurojë paqen me të njëjtën vendosmëri me të cilën po mbron lirinë e saj.Nga ana tjetër, ne e shohim rindërtimin e Ukrainës dhe integrimin europian të Ballkanit Perëndimor si procese që përforcojnë njëri-tjetrin. Të dyja kanë të bëjnë me plotësimin e Europës, forcimin e qëndrueshmërisë së saj dhe uljen e cenueshmërive strategjike. Natyrisht, rindërtimi nuk është bamirësi, por strategji. Nuk bëhet fjalë vetëm për të riparuar atë që është shkatërruar, por për të ndërtuar një Ukrainë demokratike, europiane, moderne dhe të qëndrueshme, duke treguar se e gjithë Europa është e aftë ta bëjë këtë. Dhe, në përfundim të kësaj fjale të shkurtër, të cilën jam i bindur se do ta vlerësoni, Ukraina po rindërton guximin e Europës. Europa duhet të ndihmojë në rindërtimin e së ardhmes së Ukrainës. Ju faleminderit shumë.