Bajrami: LDK-ja ka qëndrim të formësuar sa i përket bashkëpunimit me VV-në
Deputetja e LDK-së, Hykemte Bajrami, ka bërë me dije se në letrën e Albin Kurtit për LDK-në do të përgjigjet kryetari i LDK-së, Lumir Abdixhiku.
Para hyrjes në zyrat e partisë, ajo ka thënë se LDK-ja tashmë ka një qëndrim të formësuar për bashkëpunimin me VV-në.
Sipas saj, kjo parti nuk ka qenë duke pritur letrën e Kurtit për të marrë qëndrim.
“Kryetari vetë do të përgjigjet në letër dhe ai e ka ekskluzivitetin që të ju tregoj se çfarë do të thotë për letrën. Mirëpo LDK-ja ka tashmë një qëndrim të formësuar sa i përket bashkëpunimin me VV. Ne nuk kemi qenë duke pritur letër në mënyrë që ta bëjmë qëndrimin. Ne kemi qëndrim”, ka thënë Bajrami.
