Avancimi i statusit të Kosovës në Asamblenë e NATO-s "hap i madh për sigurinë", thotë Maqedonci
Ministri i Mbrojtjes, Ejup Maqdonci, e ka quajtur “avancim të Kosovës” avancimin e statusit të delegacionit të Kosovës në Asamblenë e NATO-s, përkatësisht nga statusi i vëzhguesit parlamentar në anëtar të asocuar.
“Komiteti i Përhershëm i Asamblesë Parlamentare të NATO-s vendosi sot ta avancojë Kuvendin e Kosovës nga vëzhgues parlamentar në anëtar të asociuar. Ky është një hap i madh përpara për sigurinë dhe prosperitetin e Kosovës dhe rajonit”, ka shkruar ai.
