Arrestohet një person pasi theri me thikë dy të tjerë në Skenderaj
Një person është arrestuar pasi dyshohet se ka therur me thikë dy persona të tjerë në Skenderaj, ka njoftuar policia e Kosovës në raportin 24 orësh.
Sipas policisë viktimat janë dërguar në Qendrën Klinike Universitare të Kosovës për tretman, ndërsa i dyshuari është dërguar në mbajtje.
“Është arrestuar i dyshuari mashkull kosovar, pasi që, pas një mosmarrëveshjeje, ka therur me thikë dy viktimat meshkuj kosovarë. Viktimat janë dërguar në QKUK për trajtim të mëtutjeshëm mjekësor. Me vendim të prokurorit, i dyshuari është dërguar në mbajtje”, thuhet në raportin e policisë.
