Arrestohet i dyshuari për tentim vrasjen e tre personave në Pejë
Policia e Kosovës ka arrestuar Agron Gashin të dyshuarin për tentim vrasjen e tre personave mbrëmë në Pejë.
Në këtë rast tre persona mbetën të plagosur.
I dyshuari është dërguar në mbajtjet për 48 orë.
Lajmin për “Betimi për Drejtësi“ e ka konfirmuar Shkodran Nikçi, zëdhënës i Prokurorisë Themelore në Pejë.
“Personi i dyshuar për vrajse të rëndë në tentativë, për plagosjen e tre personave, para pak momentesh është arrestuar dhe me vendim të prokurorit të shtetit është ndaluar për 48 orë.” – ka thënë ai.
Kujtojmë se Policia kërkoi ndihmën e qytetarëve për kapjen e të dyshuarit.
