Arrestohet 54-vjeçari për armëmbajtje pa leje dhe kanosje në Kaçanik
Policia e Kosovës ka arrestuar një person për armëmbajtje pa leje dhe kanosje në Kaçanil.
Sipas policisë, i dyshuari i moshës 54 vjeçar, për shkak të një mosmarrëveshje kishte kanosur me armë personin tjetër mashkull, kosovar i moshës 47 vjeçar në fshatin Vatë.
Njoftimi i plotë:
Arrestohet një person për armëmbajtje pa leje dhe kanosje në Kaçanik
Me datën 07.05.2023, rreth 14:43 policia e stacionit në Kaçanik ka pranuar një informacion se në fshatin Vatë të Kaçanikut është një rast i kanosjes.
Policët e rendit dhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj kanë shkuar në fshatin Vatë dhe kanë arrestuar të dyshuarin N.N (M/K) i moshës 54 vjeçar, i cili shkak i një mosmarrëveshje kishte kanosur me armë personin tjetër mashkull, kosovar i moshës 47 vjeçar, ndërsa më pas policia nga i dyshuari ka konfiskuar armën e zjarrit ( pistoletë) me 12 fishekë dhe një thikë.
I dyshuari është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është ndaluar në mbajtje për 48 orë, ndërsa rasti është cilësuar ‘’ Armëmbajtje pa leje dhe kanosje’’.
