Ardhja e mërgimtarëve, pritje deri në 1 orë nëpër pika kufitare

Pritjet në pikat kufitare të Kosovës vazhdojnë të jenë të gjata, veçanërisht në Muçibabë dhe te Dheu i Bardhë.

Sipas të dhënave të fundit, në pikëkalimin kufitar të Muçibabës qytetarët po presin deri në një orë, si gjatë hyrjes, ashtu edhe të daljes nga Kosova.

Edhe te Dheu i Bardhë pritjet për dalje arrijnë deri në 60 minuta, ndërsa për hyrje zgjasin deri në 30 minuta.

Ndërkaq, në pikat kufitare të Hanit të Elezit dhe Vërmicës, pritjet janë më të shkurtra, duke lëvizur nga 10 deri në 15 minuta.