Antarët e VV-së nga Shqipëria bëjnë thirrje për protestë para ambasadës së Serbisë në Tiranë

Antarët e Lëvizjes Vetëvendosje nga Tirana, përmes postimeve në llogaritë e tyre në Facebook kanë bërë thirrje qytetarëve të Shqipërisë që të bashkohen në protestën e nesërme (29) dhjetor para ambasadës së Serbisë në Tiranë.

Boiken Abazi, Elvis Hoxha dhe Enis Sulstarova kanë shpërndarë thirrjen e njejtë të titulluar "Për ligjin dhe kundër luftës!" si thirrje për protestë për situatën në veri të Mitrovicës.

Thirrja e plotë:

Qytetarëve të Tiranës dhe të Shqipërisë

Protestë:

"Për ligjin dhe kundër luftës!"

Para ambasadës së Serbisë në Tiranë, dt 29 dhjetor, ora 12.00.

Serbia po nxit konflikt dhe kërcënon fqinjët me luftë!

Serbia nuk duhet lejuar:

të ndezë zjarre lufte në Ballkan;

të synojë zgjerime territoriale në Ballkan;

të jetë zgjatim i Rusisë putiniste në Ballkan;

Aleatët të na kuptojnë:

Ata që bënë luftë gjenocidale nuk mund të bëjnë paqe të qëndrueshme.