Ambasada e Kosovës në Itali promovon Kurtin, e fotografon gazetën për të treguar çka tha në intervistë
Kryeministri i Kosovës, Albin Kurti së fundi ka dhënë një intervistë për gazetën italiane “La Stampa”.
Nacionale e përktheu një pjesë të kësaj interviste për lexuesit e saj, ndërsa duket se edhe ambasada e Kosovës në Itali, ka dashur t’u tregojë qytetarëve se çka tha Kurti.
Shkrimi, që ka qenë i qasshëm vetëm me pagesë, është fotografuar nga ambasada dhe është publikuar në rrjetin social Twitter.
Krahas fotografisë, ambasada ka shkruar: “Intervista e kryeministrit të Kosovës Albin Kurti për gazetën La Stampa”.
L’intervista del Primo Ministro della Repubblica del Kosovo @albinkurti per il quotidiano @LaStampa
— Kosovo in Italia 🇽🇰🇮🇹 (@KosovoinItalia) January 16, 2023
👉https://t.co/1WSmvPBwzg pic.twitter.com/vYzVqvgpu4
Siç raportoi Nacionale më herët, natyrisht se kryeministri nuk mund të mos përsëriste fjalët e njëjta që kishte thënë për muaj e muaj me radhë në dhjetëra intervista tjera.
Ai përmendi përparimin e Kosovës në Indeksin e Perceptimit të Korrupsionit dhe në lirinë e medies derisa i mëshoi tezës se zhvillimi ekonomik me demokracinë shkojnë bashkë.
“Normalizimi i raporteve duhet ta ketë njohjen reciproke në qendër. Serbia duhet ta njohë Kosovën. Besoj që propozimi i BE-së i shtatorit të vitit të kaluar mund të shërbejë si bazë e mirë për diskutime të mëtejme...” – u shpreh Kurti.
