Ambasada amerikane: ShBA qëndron me popullin e Kosovës në kujtim të viktimave të masakrës së Reçakut
Ambasada amerikane në Kosovë ka reaguar në 26 vjetorin e masakrës së Reçakut.
Në një postim në llogarinë në rrjetin social Facebook, ambasada ka thënë se ShBA qëndron me popullin e Kosovës në kujtim të viktimave të masakrës së Reçakut.
‘‘Sot, SHBA qëndron me popullin e Kosovës në kujtim të viktimave të masakrës së Reçakut – një pikë kthese tragjike për njerëzimin që nxiti botën të veprojë. Ndërsa nderojmë viktimat, ne ripërtërijmë angazhimin tonë të përbashkët për të vërtetën, drejtësinë dhe pajtimin’’ – thuhet në postim.
