Aksioni në Kaçanik: Raportohet për disa të arrestuar për vrasjen e policit Muhamed Lika
Aksioni i madh i Policisë në Kaçanik ka rezultuar me disa të arrestuar.
Kështu raportojnë media të ndryshme, përfshirë Sinjalin, Indeksonline dhe RTV Dukagjini.
Burime të televizionit Dukagjini bëjnë të ditur se të arrestuarit dyshohet të jenë pjesë e një grupi të organizuar kriminal që dyshohet se ka planifikuar dhe realizuar atentatin ndaj zyrtarit policor.
Informacionet e para tregojnë se vetë rreshteri Lika kishte qenë duke i hetuar aktivitetet e këtij grupi, çka dyshohet se mund të ketë çuar në ekzekutimin e tij.
