Aksident tragjik në Junik, humb jetën drejtuesi i një katërçiklete
Një person ka humbur jetën si pasojë e një aksidenti trafiku të ndodhur të shtunën në fshatin Jasiq të Junikut.
Aksidenti është raportuar rreth orës 13:40 dhe në të ka qenë e përfshirë një katërçikletë.
Zëdhënësi i Policisë së Kosovës për rajonin e Pejës, Driton Rugova, ka bërë të ditur se drejtuesi i mjetit ka ndërruar jetë në vendin e ngjarjes.
"Në vendin e ngjarjes kanë dalë njësitet relevante të Policisë, gjithashtu edhe prokurori i shtetit”, ka thënë Rugova për Klan Kosova.
Me vendim të prokurorit, trupi i pajetë është dërguar në Institutin e Mjekësisë Ligjore në Prishtinë, ku do t’i nënshtrohet obduksionit.
