Aksident në Klinë, humb jetën një person
Një person ka mbetur i vdekur si pasojë e një aksidenti në fshatin Jashanisë të Klinës.
Lajmin e ka konfirmuar edhe Fadil Gashi, nga Policia e Kosovës për rajonin e Pejës.
“Rreth orës 06:50 policia ka marrë informatën për një aksident në fshatin Jashanicë të komunës së Klinës. Menjëherë në vend ngjarje ka dalë njësiti policor dhe autoambulanca. Mjeku kujdestar ka konstatuar vdekjen e një personi”, ka thënë Gashi.
Ndryshe, orëve të fundit situata në trafik është vështirësuar shkaku i vërshimeve dhe reshjeve të shiut.
