Aksident në Gjakovë: Përplasen vetura dhe motoçikleta, dy të lënduar
Një aksident mes një automjeti dhe një motoçiklete është regjistruar sot në fshatin Osek Hilë, në territorin e komunës së Gjakovës.
Rastin e ka konfirmuar për Klankosova.tv zëdhënësja e Policisë për rajonin e Gjakovës, Vlera Krasniqi, e cila njoftoi se nga aksidenti dy persona kanë pësuar lëndime dhe kanë pranuar trajtim mjekësor.
Sipas saj, aksidenti ka ndodhur rreth orës 15:00, ndërsa në vendin e ngjarjes kanë intervenuar njësitë relevante të Policisë së Kosovës.
“Sot rreth orës 15:00 , në fshatin Osek Hilë-Gjakovë, ka ndodhur një aksident trafiku mes një veture dhe motoçiklete. Si pasojë e aksidentit dy persona kanë marrë trajtim mjekësorë. Njesia Rajonale e Trafikut Rrugor është përgjigjur në rast dhe ka ndërmarrë veprimet e nevojshme policore”, ka bërë të ditur Krasniqi.
