Abdixhiku uron Pashkët: Le të punojmë për një të ardhme më të mirë për Kosovën

Kryetari i LDK-së, Lumir Abdixhiku, ka uruar besimtarët katolikë për festën e Pashkëve.

Ai ka shkruar në rrjete sociale, duke kërkuar punë për të ardhme më të mirë për Kosovën.

Postimi:

“Të dashur qytetarë të besimit katolikë,

Festa e Pashkëve ashtu siç shënjon ditën e ngadhnjimit të jetës mbi vdekjen dhe rikthimin e njeriut te vlerat më sublime shpirtërore, ashtu le të na rigjallërojë shpresën, forcën dhe vullnetin për t’u bërë më të mirë me njëri-tjetrin dhe për të shpalosur vlerat e vërteta njerëzore. Le të përpiqemi të punojmë për një të ardhme më të mirë për vendin tonë të dashur Kosovën.

Gëzuar Pashkët!”