AAK finalizon kandidaturat për zgjedhjet lokale, këta janë disa prej emrave

Aleanca për Ardhmërinë e Kosovës (AAK) ka thirrur një mbledhje të Këshillit të Përgjithshëm për ditën e hënë, ku do të zyrtarizohen të gjitha kandidaturat për kryetarë komunash në zgjedhjet lokale të planifikuara për 12 tetor.

AAK-ja ka shpallur tashmë një pjesë të kandidatëve të saj për disa nga komunat kryesore. Në komunat ku aktualisht mban pushtetin – Gjakovë, Klinë, Suharekë, Rahovec dhe Deçan – kryetarët në detyrë do të kërkojnë edhe një mandat tjetër katërvjeçar, me qëllim të vazhdimit të projekteve dhe qeverisjes lokale.

Për komunat e tjera, partia ka emëruar kandidatët në vijim:

• Pejë – Ali Berisha
• Prishtinë – Bekë Berisha
• Gjilan – Nazim Gagica
• Prizren – Besnik Krasniqi
• Ferizaj – Xhemile Murati
• Mitrovicë – Qazim Nimani
• Kamenicë – Faton Jakupi
• Junik – Agron Kuçi
• Istog – Ukë Blakaj
• Fushë Kosovë – Vildane Latifi
• Podujevë – Baki Feta
• Viti – Labinot Bislimi
• Lipjan – Ilir Tasholli