“A po i mbledhni edhe dy deputetë, a shkuam” – Konjufca e ndërpren seancën

Kryetari i Kuvendit të Kosovës, Glauk Konjufca, nuk ka qenë fort i kënaqur me numrin e deputetëve në seancën e sotme.

Disa pika të rendit të ditës dështuan radhazi, duke bërë që Konjufca të ketë një thirrje.

“A po i mbledhni edhe dy deputetë, a shkuam”, tha Konjufca, raporton Nacionale.

Pas kësaj, ai ndërpreu seancën e cila do të vazhdojë nesër në orën 09:30.

Gjatë diskutimeve, Konjufca ironizoi duke e kërkuar “deputetin e 61-të. Deputetin e artë”, siç tha ai.