38 pula e 6 viça të vjedhur në dy raste të ndara në Kosovë
Një gruaje në Klinë i janë vjedhur 38 pula në oborrin e saj. Kështu thuhet në raportin e Policisë së Kosovë.
Siç njofton policia, ankuesja ka thënë se persona të panjohur kanë depërtuar me forcë në oborrin e saj.
“Fshati Drenoc, Klinë 18.12.2022 - 09:25. Ankuesja femër kosovare raporton se persona të panjohur kanë depërtuar me forcë në oborrin e saj dhe nga koteci i janë vjedhur 38 copë pula”, thuhet në raport.
Në anën tjetër, policia tregon se edhe në Prizen një person është ankuar si i kanë vjedhur 6 gjedhe (viça) nga stalla e tij. Rasti është duke u hetuar.
“Prizren 18.12.2022 - 06:40. Ankuesi mashkull kosovar raporton se persona të panjohur kanë depërtuar me forcë në oborrin e tij dhe nga stalla i janë vjedhur 6 gjedhe (viça). Rasti është duke u hetuar”, thuhet tutje në raport.
