3 artistë kosovar në garë për të shkuar 2 muaj rezidencë artistike në Amerikë

Punimet e papërpunuara dhe të gjalla të Mimoza Sahitit sfidojnë konvencionet tradicionale në pikturë.

Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme.

Ndwrsa Agrina Vllasaliu i konsideron nocionet e shtëpisë dhe atdheut nga perspektiva diasporike. Në veprën e saj, temat e zhvendosjes, mallit dhe kujtesës hulumtohen përmes referimeve ndaj historive gojore dhe folklorit, si dhe të brendshme të imagjinuara shtëpiake.

Kwta janw tre artistw qw garojnw pwr çmimin “Artistwt e së nesërmes”. Fituesi/ ja i/e çmimit “Artistët e së nesërmes” 2022 do të shpërblehet me qëndrim dy mujor në Nju Jork, SHBA, në programin rezidencial për artistë në Residency Unlimited, gjatë periudhës prill/maj 2023, dhe ekspozitë personale në kuadër të programit vjetor të ekspozitave të Stacion – Qendra per Art Bashkëkohor Prishtinë të vitit 2024.

Ngjarja synon të krijojë hapësirë për diskutim me publikun në lidhje me punët dhe praktikën artistike të artistëve finalist të Çmimi "Artistët e së nesërmes" 2022, hulumtimin, përvojën e tyre gjatë procesit dhe lidhjen e ekspozitës me dimensione të tjera shoqërore.

Çmimi “Artistët e së nesërmes” është pjesë e programit të çmimeve për artistët e rinj pamor - YVAA (Young Visual Artists Awards) – që është një rrjet i dhjetë çmimeve të ngjashme nga Evropa Qendrore dhe Lindore, dhe i cili u themelua në vitin 1989 në Çekosllovaki nga Kryetari Vaclav Havel, Wendy Luers dhe artistët disidentë, që kishin për qëllim përkrahjen e ngritjes dhe zhvillimit të artit bashkëkohor dhe shoqërisë civile.

Punimet e papërpunuara dhe të gjalla të Mimoza Sahitit sfidojnë konvencionet tradicionale në pikturë. Duke transmetuar një zemërim të caktuar përmes vetë sipërfaqes së bojës, puna e saj pasqyron një feminizëm të ashpër që mbështet qasjen e saj ndaj kapitalizmit, identitetit, traumës personale dhe kolektive. Në përshkrimet e saj të figurës njerëzore, një ndjenjë frike dhe cenueshmërie pasqyron shqetësimet e saj rreth statusit të gruas në shoqëri dhe natyrës së pasigurt të ekzistencës njerëzore në përgjithësi.

Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme. Puna e tij aktuale fokusohet në ndikimin e njeriut në mjedis, shkrirjen e inteligjencës natyrore dhe artificiale dhe dilemat morale dhe etike që lindin në lidhje me modifikimin gjenetik.

Agrina Vllasaliu i konsideron nocionet e shtëpisë dhe atdheut nga perspektiva diasporike. Në veprën e saj, temat e zhvendosjes, mallit dhe kujtesës hulumtohen përmes referimeve ndaj historive gojore dhe folklorit, si dhe të brendshme të imagjinuara shtëpiake. Një humor i caktuar përshkon gjithashtu disa prej veprave të saj, duke krijuar një intimitet të dukshëm me shikuesit e saj, ndërsa në të njëjtën kohë fsheh një ankth më të errët pas gjestit feminist.

Shpallja e fituesit të Çmimit "Artistët e së nesërmes" 2022 do të bëhet me 3 dhjetor ora 19:00.