Zelensky tregon dhomën në të cilën jeton që nga fillimi i luftës
Presidenti ukrainas Volodymyr Zelensky ka shfaqur për herë të parë pamje të dhomës në të cilën ai është duke qëndruar që nga fillimi i luftës në Ukrainë.
Duke folur për gazetarin ukrainas Dmytro Komarov, Zelensky ka treguar dhomën, ndërsa ka thënë se jeton aty tash e një vit.
Më pas, presidenti ukrainas ka treguar edhe veshjet e tij, ndërsa ka theksuar se që nga nisja e luftës kryesisht vishet me rroba ushtarake.
“Nuk vesh më kostume,”- ka thënë ai.
Më tej Zelensky ka folur edhe për familjen e tij, ku ka treguar se që nga fillimi i sulmeve me raketa familja është dërguar disa herë në vende të sigurta për strehim.
“Unë e dua familjen time, por qëndrimi im këtu si President ishte prioritet,” – ka thënë Zelensky.
Kujtojmë se sulmi rus në Ukrainë filloi një vit më parë, ndërsa Putini vazhdon të mos e konsiderojë tërheqjen, e as Ukraina dorëzimin.
"This is where I've been living for a year" - @ZelenskyyUa showed Ukrainian journalist Dmytro Komarov his wartime living conditions and his wardrobe. pic.twitter.com/0McF8EEHUf
— Anton Gerashchenko (@Gerashchenko_en) February 25, 2023
