Zelensky pranon se kundërofensiva e Ukrainës "po ndodh më ngadalë"
Kundërofensiva ukrainase nuk ka qenë e lehtë dhe po "ndodh ndoshta më ngadalë" nga sa kishin shpresuar disa, tha Presidenti Volodymyr Zelensky në një video të publikuar nga zyra e tij të martën, raporton CNN.
Zyrtarët perëndimorë po theksojnë se sa i vështirë po del të jetë misioni për çlirimin e territoreve, sipas rrëfimeve të katër zyrtarëve të lartë amerikanë e perëndimorë, të cilët janë të njoftuar me të dhënat më të reja të inteligjencës.
Komentet e tij, të bëra gjatë një takimi me mediat e Amerikës Latine të dielën, vijnë pasi CNN raportoi se zyrtarët perëndimorë përshkruajnë vlerësime gjithnjë e më "të rezervuara" në lidhje me aftësinë e forcave ukrainase për të rimarrë territor të rëndësishëm.
"Por e gjithë kjo është dytësore. Në disa vende ka miniera, në disa vende ka vështirësi teknike, në disa vende kemi pritur gjatë. Ose ka komplikime të tjera. Mund të diskutojmë për një kohë të gjatë", - tha Zelensky.
"Është Ukraina ajo që ka iniciativën. Është shumë e vështirë të luftosh për një kohë kaq të gjatë - gjë që është e qartë. E gjithë kjo është shumë e vështirë kur ju mungon kjo apo ajo pajisje. E di që është e vështirë për ne, por definitivisht e di që është më e vështirë për rusët", shtoi ai.
