Ukraina e godet selinë qendrore të Flotës ruse të Detit të Zi në Krime, një i vrarë
Selia qendrore e Flotës ruse të Detit të Zin ë Krime është goditur me një raketë, sipas guvernatorit të Sevastopolit, i emëruar nga Rusia.
Në një shkrim në rrjetin “Telegram”, guvernatori Mikhail Razvozhayev tha se një copëz e raketës ra afër Teatrit “Lunacharsky”, në qytetin më të madh të Gadishullit të Krimesë, raporton televizioni BBC.
Ai shtoi se shërbimet emergjente ishin në vendin e ngjarjes dhe se janë duke u sqaruar të dhënat për viktima të mundshme.
Më vonë, ky zyrtar tha se janë ndërprerë sirenat e alarmit për sulme ajrore, po vazhdoi që t’u bënte thirrje njerëzve për ta shmangur qendrën e qytetit.
Ministria e Mbrojtjes e Rusisë ka konfirmuar se një person është vrarë nga ky sulm.
Moscow-appointed authorities in occupied Crimea say a Ukrainian missile struck the headquarters of Russia’s Black Sea Fleet in Sevastopol, marking the latest in a series of ever-increasing attacks targeting the Russian military on the peninsula. Heavy damage and smoke visible. pic.twitter.com/Q7psc7rA6M
— Christopher Miller (@ChristopherJM) September 22, 2023
Në një video të publikuar në rrjetin X shihet tymi duke dalë nga ndërtesa e selisë qendrore të Flotës ruse të Detit të Zi në Sevastopol.
Televizioni BBC ka vërtetuar se pamjet në video janë të vërteta dhe të reja.
