Tre të vdekur nga sulmi izraelit ndaj televizionit shtetëror iranian

Tre njerëz kanë vdekur pas sulmit të Izraelit ndaj një televizioni shtetëror në Iran, raportojnë mediat shtetërore.

Më herët, mediat shtetërore raportuan se një redaktor lajmesh dhe një punëtor tjetër i kompanisë mediave IRIB ishin vrarë në sulm, raporton televizioni BBC.

Ushtria izraelite e goditi zyrën qendrore të televizionit shtetëror iranian në Teheran, pasi forcat izraelite u kishin thënë banorëve të zonës që të evakuoheshin nga zona ku ndodhej ky objekt.

Një transmetim i drejtpërdrejtë u pengua dhe një prezantuese mund të shihej duke u tronditur nga goditja, përderisa po i jepte lajmet.

Ajo më pas shihet duke u larguar nga pamja e kamerës. Hapësira mbushet me tym dhe mbetje para se videoja të përfundojë.