Venezuela goditet nga dy tërmete të fuqishme, 32 të vdekur dhe qindra të lënduar
Tërmete të fuqishme, njëri pas tjetrit, kanë goditur Venezuelën, ku deri më tani janë konfirmuar 32 të vdekur dhe qindra të lënduar.
Fillimisht, shteti i Venezuelës u godit nga një tërmet me magnitudë 7.2, i cili zgjati 40 sekonda, ndërsa më pas u godit nga një tjetër edhe më i fuqishëm, me magnitudë 7.5.
Lëkundjet kanë lënë pas dhjetëra viktima (të paktën 32 të konfirmuara), mbi 700 të lënduar dhe qindra ndërtesa të shembura, si dhe dëme të konsiderueshme në kryeqytetin Karakas dhe rajonet bregdetare.
Një banor që i mbijetoi një tërmeti që goditi qytetin në vitin 1967 tha se katastrofa ishte ndryshe nga çdo gjë që kishte përjetuar. Një banor tjetër që i shpëtoi një ndërtese të dëmtuar tha se "skena ishte si një film horror".
Sekretari i Shtetit Marco Rubio tha se SHBA-të po “ dislokojnë menjëherë ” ekipet e shpëtimit dhe ndihmën sipas udhëzimeve të Presidentit Donald Trump . Rubio shprehu gjithashtu mbështetje në një telefonatë me Presidenten në detyrë Delcy Rodriguez.
