Rusia ka bërë kërcënimin më të drejtpërdrejtë ndaj Britanisë deri më tani

Ministria ruse e Mbrojtjes ka paralajmëruar një "përgjigje proporcionale të menjëhershme" nëse Britania vazhdon "provokimet e drejtpërdrejta", raporton Reuters.

Paralajmërimi i Ministrisë së Mbrojtjes ruse i referohet një deklarate të ministrit të Forcave të Armatosura Britanike, James Heappey, i cili tha se Britania mbështet sulmet e Ukrainës në territorin rus.

Heappey tha se "nuk është domosdoshmërisht problem" nëse Ukraina përdor armë të dhuruara nga Britania e Madhe në sulme të tilla.

"Nuk do të jetë problem nëse përfaqësuesit e një vendi të caktuar perëndimor janë në këto qendra ukrainase"

“Duam të theksojmë se nëse ndodhin sulmet e kërkuara nga regjimi në Kiev, përgjigja jonë e menjëhershme proporcionale do të vijë”, njoftoi Ministria e Mbrojtjes ruse.

“Siç kemi paralajmëruar, forcat e armatosura ruse janë të gatshme për të nisur sulme me precizion të lartë në rreze të gjatë në qendrat vendimmarrëse në Kiev 24 orë në ditë”, tha Ministria e Mbrojtjes ruse në një deklaratë.

Ministria e Mbrojtjes e Rusisë, në kërcënimin më të drejtpërdrejtë për Britaninë deri tani, tha se në rast të sulmeve të tilla ruse, "nuk do të jetë domosdoshmërisht problem" nëse përfaqësues të "disa vendeve perëndimore janë aktualisht në ato qendra vendimmarrëse". /Nacionale/