Revista “Playboy” i shkëput lidhjet me aktoren Khalifa, pasi ajo e përkrahu sulmin e Hamasit

Revista për të rritur, “Playboy”, ka njoftuar se do t’i japë fund bashkëpunimit me personalitetin e njohur mediatik me prejardhje libaneze dhe ish-aktoren e filmave për të rritur, Mia Khalifa, për shkak të përkrahjes që ajo e ka shprehur për sulmin e Hamasit ndaj Izraelit.

“Gjatë ditëve të kaluara, Mia ka bërë komente neveritëse dhe të dënueshme, duke i festuar sulmet e Hamasit ndaj Izraelit dhe vrasjen e burrave, grave e fëmiëjve të pafajshëm”- thuhet në një deklaratë të kësaj reviste, raporton gazeta “The Times of Israel”.

“A mund t’u thotë dikush, ju lutem, luftëtarëve të lirisë në Palestinë që t’i rrokullisin telefonat e të incizojnë në mënyrë horizontale”- shkroi Khalifa në rrjetin X, përderisa sulmi po zhvillohej.

“Thjesht dua të sigurohem që të ketë pamje 4K të njerëzve të mi duke i rrënuar muret e burgut të hapur në të cilin janë detyruar të futen, duke u nxjerrë nga shtëpitë, në mënyrë që të kemi opsione të mira për libra të historisë që shkruajnë për atë se si e çliruan ata veten nga aparteidi”- shtoi ajo si kundërpërgjigje ndaj kritikave.