Protesta e madhe në mbështetje të Rusisë në Berlin
Protesta kishte për qëllim të tërhiqte vëmendjen ndaj armiqësisë ndaj rusëve, por përfshinte elemente pro luftës.
Rreth 900 persona ishin në një kolonë prej 400 automjetesh dhe protesta përfundoi me një tubim në stadiumin Olimpik.
Disa makina mbanin flamurin rus, madje njëra edhe simbolin "Z". Pjesëmarrësit thuhet se kënduan këngë patriotike ruse, shkruan The Guardian.
Organizatori i protestës, Christian Freier, vendosi Yllin e Davidit në pjesën e përparme të makinës mbi tabelën: "A do të jemi ne të radhës?" Ai krahasoi atë që ai e quajti viktimizimin e rusëve në Gjermani që nga shpërthimi i luftës me persekutimin e hebrenjve nën nazistët dhe tha se pjesëmarrësit ishin gjithashtu të zemëruar me atë që ai e quajti propagandë për pushtimin që po përhapej në shkollat gjermane.
Policia më vonë urdhëroi Freierin të hiqte Yllin e Davidit nga automjeti.
“Për hir të Zotit, si mund të lejonin një procesion të tillë turpi në mes të Berlinit?
Ambasadori ukrainas në Gjermani, Andriy Melnk tha se ishte i tronditur që policia lejoi të zhvillohej një tubim i tillë.
“Për hir të Zotit, si mund të lejonin një procesion të tillë turpi në mes të Berlinit? Melnk shkroi në Twitter, duke kritikuar policinë dhe kryebashkiakun e Berlinit Franziska Giffey. /Nacionale/
