Polonia: Rrëzimi i avionit në 2010 që vrau presidentin polak ishte plan i Rusisë

Një komision i posaçëm i qeverisë polake ka përforcuar pretendimet e tij të mëparshme se përplasja e avionit të vitit 2010 që vrau presidentin Lech Kaczynski dhe 95 të tjerë në Rusi ishte rezultat i planit të vrasjes së presidentit nga Moska.

Raportet e fundit të komisionit, të publikuara të hënën, pretendojnë se një shpërthim i qëllimshëm i eksplozivëve të vendosur shkaktoi rrëzimin e avionit Tu-154M të prodhimit sovjetik më 10 prill 2010, nga ku mbetën të vrarë presidenti Kaczynski, zonja e parë dhe 94 figura të tjera të qeverisë dhe forcave të armatosura.

Vdekja e tyre ishte rezultat i një "akti të ndërhyrjes së paligjshme nga pala ruse", tha kreu i komisionit Antoni Maciereëicz në një konferencë shtypi.

"Prova kryesore dhe e padiskutueshme e ndërhyrjes ishte një shpërthim në krahun e majtë ... i ndjekur nga një shpërthim në qendër të avionit," tha Macierewicz, i cili në 2015-2018 shërbeu si ministër i Mbrojtjes në qeverinë e krahut të djathtë të Polonisë.

Ai mohoi se ishte bërë ndonjë gabim nga pilotët polakë ose anëtarët e ekuipazhit, pavarësisht motit të keq në momentin e rrëzimit.

Raporti përsërit shumë pretendime të mëparshme të bëra nga komisioni, i emëruar nga qeveria, figura kryesore e së cilit është kreu kryesor i partisë Ligj dhe Drejtësi në pushtet, Jaroslaw Kaczynski, njëherësh binjaku i presidentit të ndjerë.

Raporti vjen në një kohë kur Rusia ka nisur një luftë ndaj fqinjit të Polonisë, Ukrainës, dhe mes marrëdhënieve aktuale të tensionuara midis Varshavës dhe Moskës. Polonia mbështet Ukrainën në luftën e saj kundër Rusisë dhe po bën thirrje për sanksione shumë të ashpra ndaj Moskës për pushtimin e saj të Ukrainës më 24 shkurt.

Raporti i fundit ngre edhe një herë armiqësinë ndaj Rusisë midis disa polakëve, kryesisht mbështetës të qeverisë nacionaliste,në atë që duket të jetë një përpjekje për të konsoliduar bazën e votuesve të partisë Ligj dhe Drejtësi, e cila u themelua nga binjakët Kaczynski në vitin 2001.

Dyshimet ushqehen gjithashtu nga refuzimi i Rusisë për të kthyer mbetjet e avionit, gjë që ka komplikuar hetimin e Polonisë.

Më herët, dy raporte të veçanta nga ekspertë polakë dhe rusë për incidentet e aviacionit thanë se përplasja ndodhi me afrimin në mjegull të dendur në aeroportin e Smolensk, i cili nuk kishte pajisje të sofistikuara të aviacionit, duke thënë se ishte një rezultat i gabimeve njerëzore të bëra në kushte të pafavorshme moti.

Atë kohë nuk u gjet asnjë provë për ndonjë lojë të keqe prapa përplasjes.