Papa Françesku i këshillon votues katolikë në ShBA: Zgjidhni të keqen më të vogël
Papa Françesku i ka quajtur të dy kandidatët kryesorë presidencialë amerikanë "kundër jetës" dhe këshilloi votuesit katolikë të zgjedhin "të keqen më të vogël" kur të votojnë në zgjedhjet e nëntorit.
Siç raporton BBC-ja, Papa tha se mosmirëpritja e emigrantëve - me sa duket duke iu referuar Trumpit - është një mëkat "i rëndë" dhe e krahasoi qëndrimin e Kamala Harris për abortin me një "vrasje".
“Të dy janë kundër jetës, qoftë ai që dëbon emigrantët, qoftë ai që vret foshnjat” – tha Papa në komente të rralla politike në një konferencë shtypi të premten teksa përfundoi një turne 12-ditor nëpër Azinë Juglindore.
