Pamje: Vullkani shpërthen dhe djeg shtëpi në Indonezi, së paku 10 të vdekur
Të paktën dhjetë persona vdiqën, pasi vullkani në Malin Lewotobi Laki-laki, në lindje të Indonezisë, shpërtheu rreth mesnatës të dielën, duke nxjerrë lavë dhe duke i detyruar autoritetet që t’i evakuonin banorët e disa fshatrave, thanë të martën zyrtarët në shtetin e largët.
Vullkani që ndodhet në Ishullin Flores, shpërtheu të dielën në orën 23 e 57 minuta, duke nxjerrë lavë, hi vullkanik e gurë zjarri, tha të hënën Hadi Wijaya, zëdhënës i Qendrës për Zbutjen e Rrezikut Gjeologjik dhe Vullkaneve, raporton agjencia “Reuters”.
“Pas shpërthimit, pati ndërprerje të rrymës dhe më pas binte shi dhe kishte rrufe të madhe, që shkaktoi panik në mesin e banorëve” – i tha ai agjencisë “Reuters”, duke shtuar se autoriteti e kishte ngritur në nivelin më të lartë alarmin për kujdes.
Agjencia tha se duhet të pastrohet zona me rreze prej shtatë kilometrash përreth kraterit.
Lava dhe gurët i goditën vendbanimet më të afërta rreth katër kilometra nga krateri, duke djegur e dëmtuar shtëpi të banorëve, tha më tej zëdhënësi indonezian.
Deri të hënën pasdite, të paktën dhjetë njerëz kishin vdekur, tha zëdhënësi lokal, Heronimus Lamawuran, duke shtuar se shpërthimi i vullkanit kishte prekur shtatë fshatra.
“Ne e kemi filluar evakuimin e banorëve nga mëngjesi i sotëm për në fshatra të tjera që ndodhen rreth 20 kilometra larg kraterit” – tha ai.
VOLCANO
— ZetaTalk Followers: Watch X, Planet X, aka Nibiru (@ZT_Followers) November 3, 2024
🌋 11/3/24 Terrible situation in the southeast of Flores Island, Indonesia. The Lewotobi (Lakilaki) volcano erupted and launched powerful bombs of pyroclastic and volcanic ash towards nearby villages. Several houses caught fire and an intense rain of ash and gravel has… pic.twitter.com/ntkQM5c3H5
