Pamje dramatike nga fundosja e një superjahti në Itali

4 vjet më parë

nga Miranda Shala

Një superjaht i quajtur My Saga, është fundosur gjatë fundjavës në brigjet italiane.

Pamjet dramatike të marra nga roja bregdetare e të publikuara nga The Independent, shfaqin momentin e fundosjes së jahtit me gjatësi rreth 40 metra.

Në video duket My Saga duke luftuar kundër dallgëve përpara se të fundoset i tëri në ujë.

Ndërsa ende nuk dihet shkaku i fundosjes së tij, është bërë e ditur se nga kjo anije janë shpëtuar 9 persona.

I projektuar nga arkitekti detar Tim Heywood, My Saga u ndërtua në Itali në vitin 2007.

Në kohën e incidentit, jahti ishte duke u nisur nga Gallipoli për në Milazzo nën një flamur të Ishujve Kajman.