Pamje: Aurorat shumëngjyrëshe i mahnitin evropianët, u panë edhe nga Kosova
Dritat veriore e kanë zbukuruar qiellin mbrëmjen e së premtes në pjesët qendrore dhe veriore të Evropës, duke mahnitur shumë njerëz. Aurora u pa edhe nga disa pjesë të Kosovës.
Aurora u pa në pjesën verilindore të bregdetit britanik, por edhe në Irlandë, përfshirë kryeqytetin Dublin, raporton gazeta “The Guardian”.
Aurora ndodh, kur grimca të ngarkuara përplasen me gazra në atmosferën e Tokës, përreth poleve magnetike.
okay i’m speechless and overjoyed! spent ages in the garden staring up at the aurora. on a warm summer night too. what a time to be alive.
— emmalition🗡️ (@emmalition) May 10, 2024
i only said “it’s like Skyrim” once pic.twitter.com/nUgyYX2TU5
Në Shtetet të Bashkuara, Administrata Kombëtare Oqeanike dhe Atmosferike lëshoi një paralajmërim të rralë për stuhi të ashpër gjeomagnetike të premten.
Qiell me ngjyrë të pazakonshme – rozë – u pa edhe nga një pjesë e Kosovës.
Qytetari Nazmi Latifi ka dërguar një fotografi të shkrepur në Kmetoc të Gjilanit, që është publikuar në faqen “Meteo Kosova” në rrjetin “Facebook”. Në të shihet qielli ngjyrë rozë.
Kjo faqe ka publikuar edhe fotografi që qytetarët kanë dërguar nga Kamenica, Mitrovica dhe Gjermania.
