Netanyahu flet me Trump rreth nevojës për “fitore” në një bisedë telefonike “shumë të ngrohtë”
Kryeministri izraelit Benjamin Netanyahu tha të dielën se pati një bisedë telefonike “shumë të ngrohtë” me Presidentin e zgjedhur të ShBA-ve, Donald Trump, gjatë të cilës ata folën për luftën e Izraelit kundër Hamas-it në Gaza.
Lideri i Izraelit tha se diskutoi një sërë çështjesh me Trump gjatë bisedës të shtunën në mbrëmje, duke përfshirë qëndrimin e Izraelit ndaj Sirisë, angazhimin e tij për të parandaluar Hezbollah-un që të ripajiset në Liban dhe “nevojën për të përfunduar fitoren e Izraelit” në Gaza, shkruan CNN/
Liderët gjithashtu folën për nevojën për të sjellë në shtëpi pengjet e mbetur në Gaza, tha Netanyahu. Mendohet se Hamas dhe grupe të tjera po mbajnë ende 100 pengje në Rripin e Gazës — të gjithë përveç katër prej tyre janë kapur gjatë sulmit të 7 tetorit 2023. Pothuajse gjysma e tyre mendohet se janë ende gjallë.
“Diskutova për të gjitha këto përsëri mbrëmë me mikun tim, Presidentin e zgjedhur të SHBA-ve Donald Trump,” tha Netanyahu.
