Moska fillon përgatitjet për paradën e Ditës së Fitores

Në Rusi, tanke, raketa-hedhës dhe automjete të blinduara janë parë në qendër të Moskës këtë mbrëmje, ndërsa ushtria mbajti një tjetër provë veshjeje për paradën e madhe të Ditës së Fitores më 9 maj.

BBC raporton se qytetarët e Moskës, u mblodhën për të parë armët që kalonin përpara, disa duke bërë foto dhe duke i përshëndetur trupat ushtarake në tanke.

Parada ushtarake e 9 majit në Sheshin e Kuq është një ngjarje vjetore për të shënuar humbjen e Gjermanisë naziste në Luftën e Dytë Botërore, megjithëse ka shtuar rëndësinë e saj këtë vit pas pushtimit rus të Ukrainës.

Disa analistë sugjerojnë se Presidenti Putin dëshiron të shpallë një lloj fitoreje në Ditën e Fitores, megjithëse është e vështirë të shihet se çfarë përparimi të mëtejshëm mund të bëjnë trupat ruse në Ukrainë brenda vetëm disa ditëve.

Madje kohët e fundit ka pasur spekulime se Putin do të shpallë një lloj mobilizimi – siç është thirrja e rezervistëve - megjithëse një zëdhënës i Kremlinit mohoi sot se ka një plan të tillë, duke i quajtur këto thashetheme si të pakuptimëta