Koreja e Veriut kërcënon SHBA-në: Tërbimi po rritet tek ne

Koreja e Veriut dënoi “lëvizjet agresive” të Uashingtonit dhe Seulit dhe u zotua për hakmarrje, duke shënuar 72 vjetorin e shpërthimit të Luftës Koreane, në një kohë të tensioneve në rritje në Gadishullin Korean.

Presidenti i SHBA-së Joe Biden dhe homologu i tij koreano-jugor, Yoon Suk-yeol ranë dakord në maj për një furnizim më të madh të armëve amerikane nëse është e nevojshme të frenohet Koreja e Veriut, për të cilën ajo ka frikë se po përgatit testin e saj të parë të armëve bërthamore në pesë vjet.

Agjencia shtetërore e lajmeve e Koresë së Veriut KCNA, ka raportuar se ka pasur takime përmes organizatave të punëtorëve për të "zotuar hakmarrje ndaj imperialistëve amerikanë", duke fajësuar Shtetet e Bashkuara për fillimin e Luftës Koreane midis viteve 1950 dhe 1953.

Lufta nuk përfundoi me një marrëveshje paqeje, por me një armëpushim, që do të thotë se forcat e Kombeve të Bashkuara të udhëhequra nga SHBA-të janë teknikisht ende në luftë me Korenë e Veriut.

Sipas KCNA, Pheniani ka dënuar Uashingtonin për ato që i quan "lëvizje agresive" që po bën së bashku me Korenë e Jugut dhe Japoninë, dhe tha se vendosja e "burimeve strategjike" të SHBA-ë në Korenë e Jugut synon të provokojë një luftë tjetër.

Burimet strategjike mund të përfshijnë aeroplanmbajtëse, bombardues me rreze të gjatë ose nëndetëse raketore.

Një sjellje e tillë e pacipë e SHBA-së rrit zemërimin dhe dëshirën për hakmarrje ndaj popullit korean, raportoi KCNA. Duke shënuar përvjetorin e luftës, Yoon u zotua në Seul se do të bënte gjithçka në fuqinë e tij për të ruajtur lirinë dhe paqen.

“Ne do të mbajmë një qëndrim të fortë sigurie, bazuar në aleancën koreano-amerikane dhe një ushtri të fortë të mbështetur nga shkenca dhe teknologjia”, shkroi Yoon në Facebook. /Nacionale/