Korea e Veriut: Rastet e para të Covid-it nxisin bllokim të rreptë kombëtar

Koreja e Veriut ka urdhëruar një bllokim të rreptë kombëtar pasi konfirmoi zyrtarisht infeksionet e saj të para me Covid.

Sipas BBC-së, Mediat shtetërore kanë raportuar një shpërthim të Omicron në kryeqytetin, Phenian, por nuk kanë deklaruar numrin e rasteve.

Korea e Veriut ka refuzuar çdo lloj programi vaksinash, edhe nëse ofrohen nga vende të tjera.

Në vend të kësaj, deri tani vendi ka kontrolluar Covid-in duke mbyllur kufijtë e tij - dhe nuk kishte regjistruar kurrë asnjë rast, pavarësisht se ekspertët besonin se virusi ka qenë prej kohësh i pranishëm.

Të huajt thonë se popullsia 25 milionëshe e vendit është e cenueshme për shkak të mungesës së një programi të vaksinës Covid-19, madje duke refuzuar ofertat nga komuniteti ndërkombëtar për të furnizuar vendin me miliona AstraZeneca dhe Sinovac të prodhuara në Kinë vitin e kaluar.

Shqetësime gjithashtu ka pasur për sistemin e varfër të kujdesit shëndetësor të Koresë së Veriut.

Agjencia e lajmeve KCNA tha se udhëheqësi Kim Jong-un ishte zotuar të zhdukte shpërthimin, të cilin e quajti një "emergjencë të rëndë kombëtare" që kishte shkelur "frontin e karantinës" të vendit.

Në takimin që përshkruan rregullat e reja Covid, Kim u pa duke veshur një maskë për fytyrën në televizion dhe besohet të jetë hera e parë që ka mbajtur. Ai shpejt e hoqi atë, ndërsa zyrtarët e tjerë të pranishëm i mbajtën maskat e tyre.

Strategjia e Koresë së Veriut për mbylljen e kufijve të saj të jashtëm - një nga vendet e para që e bëri këtë, në janar 2020 - ka ndaluar gjithashtu furnizimet thelbësore të hyjnë në vend, duke çuar në mungesa ushqimore dhe një ekonomi të lëkundur.

Sa e rrezikshme është situata në Korenë e Veriut?

Të enjten, KCNA tha se Kim kishte urdhëruar kontrolle urgjente të virusit, të cilat dukej se përfshinin urdhra për bllokime të lokalizuara dhe kufizimin e grumbullimeve në vendet e punës.

Media e Koresë së Veriut shtoi se rasti i parë i variantit Omicron ishte zbuluar në kryeqytet katër ditë më parë.

Ndërsaa, sipas NK News një faqe monitorimi me bazë në Seul, banorët në disa zona të Phenianit i ishin nënshtruar bllokimit për të paktën dy ditë përpara njoftimit të fundit.

Qeveria e Koresë së Jugut tha se ka rinovuar ofertën e saj të ndihmës humanitare për Veriun në përgjigje të lajmeve për shpërthimin, por Pheniani ende nuk është përgjigjur.

Për më shumë se dy vjet, Korea e Veriut, në mënyrë të dyshimtë, ka pretenduar se nuk ka asnjë rast të vetëm të Covid-19. Pra, pse ta pranojë tani që ka?

Me shumë mundësi është sepse ky shpërthim është shumë serioz dhe shumë i vështirë për t'u fshehur.

Korea e Veriut ka qenë e qëndrueshme në angazhimin e saj publik për të luftuar virusin. Kështu e ka justifikuar mbylljen e kufijve për kaq shumë kohë dhe tani që Omicron ka hyrë në vend, sfida është të kufizohet përhapja e tij.

Pa vaksina, kujdes të dobët shëndetësor dhe një kapacitet të kufizuar për të testuar njerëzit, opsionet e Koresë së Veriut tani janë shumë të kufizuara.

Autoritetet kanë vendosur qartë se nuk kanë zgjidhje tjetër veçse ta vendosin vendin në izolim. Për ta bërë këtë, ata thjesht duhet t'u tregojnë njerëzve dhe pjesës tjetër të botës.

Kjo nuk do të thotë domosdoshmërisht se ata tani do të jenë të gatshëm të pranojnë ndihma nga jashtë.