Izraeli pretendon se ka përgjuar militantë të Hamasit për spitalin e Gazës me qindra viktima, ja ç’bisedohet
Ministria e Jashtme e Izraelit ka publikuar një incizim për të cilin pretendon se është komunikim i përgjuar mes dy anëtarëve të Hamasit në lidhje me shpërthimin në spitalin e Gazës, ku raportohet për qindra palestinezë të vrarë.
Sipas kësaj ministrie, dy personat e përgjuar flasin për rënien e një rakete të dështuar të Hamasit nga pjesa e brendshme e Gazës, raporton gazeta “The Guardian”.
Hamas terrorists in their own voices:
— Israel Foreign Ministry (@IsraelMFA) October 18, 2023
Listen to the conversation between Hamas operatives as they discuss the failed Islamic Jihad rocket launch on the Al-Ahli Baptist Hospital on October 17, 2023 pic.twitter.com/PUUuqE2Imu
Ja çfarë bisedojnë dy personat në incizim:
A: Po të them, kjo është hera e parë që shohim një raketë si kjo duke rënë dhe prandaj po themi se ajo i përket Xhihadit Islamik Palestinez.
B: Çfarë?
A: Po thonë se i përket Xhihadit Islamik Palestinez.
B: Është nga ne?
A: Ashtu duket.
B: Kush e thotë këtë?
A: Ata po thonë se copëzat nga raketa janë copëza lokale e jo si copëzat izraelite.
B: Çfarë po thua, (emri i personit, i fshehur)?
Heshtje...
B: Subhan Allah, a nuk mundi të gjente ndonjë vend tjetër për të shpërthyer?
A: S’ka rëndësi, po, (emri i personit, i fshehur), e hodhën (raketën) nga varreza prapa spitalit.
B: Çfarë?!
A: E hodhën nga varreza prapa spitalit “Al-Ma’amadani”, dështoi dhe ra mbi ta.
B: Ka varrezë prapa tij (spitalit)?
A: Po, (spitali) "Al-Ma’amadani" është saktësisht në kompleks.
B: Ku është ajo (varreza), kur futesh në kompleks?
A: Së pari futesh në kompleks e nuk shkon drejt qytetit, është në anën e djathtë të spitalit “Al-Ma-amadani”.
B: Po, e di.
