Identifikohet “kasapi” i Bucha-s
Informacioni u përhap nga hakerat rusë dhe u konfirmua nga media të ndryshme globale.
Këtë herë, informacioni e zbardhi identitetin e personit përgjegjës për masakër. Ekziston një emër, një pozicion dhe madje një adresë e personit përgjegjës për masakrën e Bucha-s, qytetit në periferi të Kievit të shkatërruar dhe të mbushur me kufoma nga forcat ruse.
"Kasapi i Bucha-s", komandanti i trupave që vranë nga afër, plaçkitën, torturuan dhe përdhunuan përpara se të arratiseshin në kufirin e Bjellorusisë, është nënkoloneli Azatbek Omurbekov, i Brigadës së 64-të, shkruan The Indipendente.
Një njëri rreth të 40-tave i lindur dhe i rritur në lindjen e largët ruse. Para se të bënte këtë masakër të tmerrshme të civilëve, ai ishte dekoruar nga Kremlini dhe bekuar nga një nga autoritetet më të larta të Kishës Ortodokse Ruse.
Të dhënat e Omurbekov u publikuan në rrjetin Telegram nga InformNapalm, grupi i monitorimit të lëvizjes së trupave ruse që përdor inteligjencë me burim të hapur, dhe u vërtetuan nga një hetim përmes The Times of London, mes mediave të tjera globale të lajmeve. InformNapalm publikoi adresën e saktë të emailit, numrin e telefonit dhe adresën e shtëpisë së nënkolonelit. Të afërmit e tij iu përgjigjën thirrjeve të para dhe thanë se Omurbekov nuk kishte komunikuar me ta për disa ditë.
Raportet e inteligjencës sugjerojnë se e njëjta njësi po përgatitet të shkojë në Belgorod, në Rusinë perëndimore, përpara se të vendoset sërish në vijat e frontit, ndoshta afër Kharkiv, qyteti i dytë më i madh i Ukrainës.
Omurbekov kishte qenë tashmë me trupat e tij në Ukrainë në vitin 2014, kur ata pushtuan gadishullin e Krimesë dhe hapën dy enklavat separatiste të Luhansk dhe Donetsk.
Sipas një raporti për shtyp nga regjimenti, Omurbekov foli pas predikimit, duke thënë: "Historia tregon se shumica e betejave tona janë zhvilluar me shpirt". Dhe ai shtoi se "armët nuk janë gjëja më e rëndësishme" dhe se "me bekimin e të plotfuqishmit, ne shpresojmë të arrijmë të njëjtën gjë siç arritën paraardhësit tanë". /Nacionale/
