“Human Rights Watch” e akuzon Kinën për mbyllje e shkatërrim të xhamive
Organizata e njohur ndërkombëtare për të drejtat e njeriut, “Human Rights Watch” (HRW), në një raport të ri pretendon se Kina është duke mbyllur, shkatërruar e tjetërsuar xhami.
Sipas kësaj organizate, shtypja ndaj këtyre objekteve fetare është pjesë e një “përpjekjeje sistematike” për ta frenuar praktikimin e Islamit në Kinë, raporton televizioni BBC.
Rreth 20 milionë myslimanë jetojnë në Kinë, shtet zyrtarisht ateist, por që thotë se e lejon lirinë fetare.
Megjithatë, vëzhguesit thonë se është shtuar shtypja ndaj feve të organizuara viteve të fundit dhe se Pekini po synon kontroll më të madh.
习近平的全面中国化极速进行中，拆除的了建筑，人心里的殿堂永存。
— 马聚 (@majuismail1122) November 21, 2023
习近平以及中国共产党这群反人类罪犯，你们是逃不掉的。我们将记述每一件你们的罪恶，近期会有就中国西北文化灭绝、宗教灭绝的全面报告推出，一桩桩一件件，都是证据。
敬请期待‼️ pic.twitter.com/SddXW5IPni
Televizioni BBC i ka kontaktuar Ministrinë e Jashtme të Kinës dhe Komisionin për Çështje Etnike për të komentuar para publikimit të raportit të HRW-së.
“Mbyllja, shkatërrimi dhe ridestinimi i xhamive nga qeveria kineze është pjesë e një përpjekjeje sistematike për ta frenuar zbatimin e Islamit në Kinë”- tha Maya Wang, drejtoreshë në detyrë e HRW-së në Kinë.
Ky raport erdhi pas shtimit të dëshmive për abuzime sistematike të të drejtave të njeriut ndaj myslimanëve ujgurë në rajonin veriperëndimor të Kinës, Xinjiang. Pekini i ka mohuar akuzat për abuzime.
Në fshatin me shumicë myslimane, Liaoqiao, në rajonin autonom të Ningxia-s, tri prej gjashtë xhamive u janë hequr kubetë dhe minaret, sipas organizatës “Human Rights Watch”. Të tjerave u janë shkatërruar sallat kryesore të lutjeve, shtoi HRW-ja.
Në pamje satelitore të siguruara nga kjo organizatë shihet një kube e një xhamie në fshatin Liaoqiao duke u zëvendësuar me një pagodë të stilit kinez dikur brenda periudhës tetor 2018 – janar 2020.
Rreth 1.300 xhami në Ningxia janë mbyllur ose janë tjetërsuar nga viti 2020, i tha televizionit BBC Hannah Theaker, hulumtuese e myslimanëve kinezë. Kjo shifër e përbën një të tretën e tërë xhamive në rajon.
Nën pushtetin e presidentit Xi Jinping, Partia Komuniste është përpjekur që ta rreshtojë fenë me ideologjinë politike të saj dhe me kulturën kineze.
