Franca thotë se ka kryer sulme raketore kundër ISIS-it në Siri
Franca kreu sulme me raketa fundjavën e kaluar në Siri, duke e vënë në shënjestër ISIS-in në atë shtet, tha të martën ministri i Jashtëm, Sebastien Lecornu.
“Të dielën, forcat ajrore franceze kryen sulme të shënjestruara kundër zonave të Shtetit Islamik me bazë në territorin sirian” – shkroi kryediplomati francez në rrjetin X, raporton agjencia e lajmeve “Reuters”.
Sulmi ajror francez erdhi pas një sulmi të ngjashëm ushtarak nga Shtetet e Bashkuara në Siri, me të cilin ShBA-ja tha se vrau operativë të ISIS-it.
Siria ballafaqohet me të ardhme të paqartë politike, pasi grupi Hayat Tahrir al-Sham (HTS) e rrëzoi ish-presidentin Bashar al-Assad më 8 dhjetor.
Ofensiva e shpejtë, e udhëhequr nga HTS-ja, i dha fund luftës civile 13-vjeçare, por ka lënë një varg pyetjesh për të ardhmen e vendit shumetnik, ku shtetet si Turqia e Rusia kanë interesa të fuqishme e potencialisht që bien ndesh me njëra-tjetrën.
Nos armées restent engagées dans la lutte contre le terrorisme au Levant.
— Sébastien Lecornu (@SebLecornu) December 31, 2024
Elles contribuent à la coalition internationale "Operation Inherent Resolve" (OIR), depuis 2014 en Irak et 2015 en Syrie.
Dimanche, des moyens aériens français ont procédé à des frappes ciblées contre des… pic.twitter.com/uwzOmcJDce
