E mbajtën në një klinikë psikiatrike, Rusia e liron amerikanin Joseph Tater
Rusia ka liruar shtetasin amerikan, Joseph Tater, i cili është mbajtur në Moskë prej gushtit të vitit të kaluar.
Pas arrestimit, ai ishte zhvendosur në një klinikë psikiatrike, raporton REL.
Sipas agjencia ruse e lajmeve TASS, më 6 prill, një gjykatë e ka urdhëruar Taterin të zhvendoset nga një qendër ndalimi për trajtim të detyrueshëm psikiatrik. Sipas medias shtetërore, gjykata ka thënë se ai nuk është penalisht përgjegjës për veprimet e tij, pasi është diagnostikuar me çrregullime mendore.
Tater është ndaluar në Moskë më 12 gusht 2024, nën akuzën e “huliganizmit” dhe është mbajtur në burg për 15 ditë.
