Britania e Madhe nënshkruan marrëveshje për të përshpejtuar 2.8 miliardë dollarë kredi për Ukrainën
Presidenti ukrainas Volodymyr Zelensky dhe kryeministri britanik Keir Starmer nënshkruan një marrëveshje të shtunën për të përshpejtuar kredi me vlerë 2.8 miliardë dollarë (2.26 miliardë paund) për Ukrainën, shkruan CNN.
Kredia do të shlyhet me të ardhurat nga asetet sovrane ruse të ngrira, tha kancelarja e Thesarit të Mbretërisë së Bashkuar, Rachel Reeves. Marrëveshja është pjesë e “mbështetjes së palëkundur dhe të vazhdueshme për popullin ukrainas,” shtoi Reeves.
Ministri i Financave i Ukrainës, Serhiy Marchenko, i cili mori pjesë në takim në distancë përmes video-lidhjes, tha se Ukraina ishte “shumë mirënjohëse” për këtë marrëveshje “shumë të nevojshme.”
Këto kredi janë përveç financimit të vazhdueshëm të Britanisë së Madhe për Ukrainën, që arrin rreth 3.7 miliardë dollarë (3 miliardë paund) në vit, tha Reeves.
