A mund të mbahet shpejt një samit i dytë Trump – Putin?
Shpresat e Presidentit Donald Trump për një takim të shpejtë me Presidentin rus Vladimir Putin mund të jenë shtyrë, pasi burime të njohura me çështjen i thanë CNN-it se një takim i pritshëm paraprak mes këshilltarëve kryesorë të çështjeve të jashtme të liderëve botërorë këtë javë është pezulluar, të paktën për tani.
Trump tha të enjten, pas një telefonate me Putinin, se të dy "ranë dakord që do të ketë një takim të këshilltarëve tanë të nivelit të lartë, javën që vjen."
“Shtetet e Bashkuara do të përfaqësohen fillimisht nga Sekretari i Shtetit Marco Rubio, së bashku me disa persona të tjerë që do të caktohen,” shkroi ai në Truth Social.
Megjithatë, ai takim i pritur mes Rubios dhe homologut të tij rus, Sergey Lavrov, është vënë në pritje për momentin, tha një zyrtar i Shtëpisë së Bardhë për CNN. Nuk ishte menjëherë e qartë pse takimi nuk do të ndodhte këtë javë, megjithëse një nga burimet tha se Rubio dhe Lavrov kishin pritshmëri të ndryshme lidhur me një përfundim të mundshëm të pushtimit rus të Ukrainës.
